BASHAR.
الإداره
عدد الرسائل : 694
العمر : 35
الـدولـه : سوريا... اللاذقــيه
العمل/الترفيه : مو ضروري
المزاج : كل ما يتعلق بالموبايل
تاريخ التسجيل : 17/06/2008
 | موضوع: لكل محبي الشعر العاطفي  الإثنين سبتمبر 01, 2008 11:17 pm | |
| خلنا أخوان
هوانا كان
ساعة من شهر نيسان
سفينة والبحر سكران
لوحة والمطر ألوان
قصة كانت ومعنى
وهذا اليوم فوق الرف
لا معنى ولا عنوان
ما أقدر أوضح لك
ما أقدر أقول أكثر
في لساني الكلام يموت
وفي عيوني الهوى تابوت
خلنا أخوان
خلنا أخوان
فايق عبد الجليل
ــــــــــــــــــــــــــــــــــــــــــــــ
استاذنك لازم اروح
مااقوى على باقي الجروح
انت معي غامض كثير
طبعي الوفا طبعي الوضوح
اللي يصير بعدي يصير
مايخاف ابد صافي الضمير
يوم الليالي تستدير
يفرح وحساده تنوح
استاذنك لازم اروح
ــــــــــــــــــــــــــــــــــــــــــــــ
يلاحقني الورق
تاخذني هموم الوقت من وقتي
اسكت والسكوت انتي
احاول والحلول انتي
شسولف لك
وانتي سالفة صمتي
فايق عبد الجليل
ــــــــــــــــــــــــــــــــــــــــــــــ
حسيت في اخر زيارة
شي بعيونك مختلف
وشي بحديثك مختلف
حتى بسكوتك مختلف
وكنت بشكوك
وشفت الحقيقة
في عيونك تعترف
ــــــــــــــــــــــــــــــــــــــــــــــ
من سأل هذا الرصيف
ليه انا اركض خفيف
رغم اني
كل همي
يعرفه هذا الرغيف
ــــــــــــــــــــــــــــــــــــــــــــــ
البارحة والقلوب اصحاب
كنت القمر وانت تمدحني
واليوم لي مخلبان وناب
ومشاهد الدم يفرحني
كذاب هذا المدح كذاب
وكذاب ذم يجرحني
انسان ماني نجم وشهاب
وليتك ملاك وتصلحني
لاصرت عاري علي ثياب
بالله شلون تفضحني
اخطيت واخطيت كافي عتاب
انطق بحكمي وريحني
ياصاحبي ماقطعت ارقاب
عدل قصاصي وتذبحني
ولاني بعد اجمل الاحباب
الاجمل انك تسامحني
ــــــــــــــــــــــــــــــــــــــــــــــ
شعرك نشف والا لها الحين مبلول .... ياللي تقولين المطر بل شعري
يقولها وهو من الغيض مقتول .... ويقول شعرك للمــطر ليه يغري
دامك تعرفيني غيور ومهبول .... امانتك شعر تغـــطاه صدري
لا تتركينه منتثر دوم مــفلول .... اخاف تغريه السـحابه بهجري
مابيه يلمس غير كفي على طول .... حتى بهبوب الريح مابيه يذري
شعرك نشف ولا لهالحين مبلول .... قلت الصحيح انا لهالحين مدري
عواطف
ــــــــــــــــــــــــــــــــــــــــــــــ
أون ورياح الليـالي تون ... والبرد في جوفي كما الغار خـــاوي
ماكن لي قـــلب ولاعقل كني ... جذع وقف في وجـه الايام ذاوي
وبي عبرة محبوسـة تمتحني ... في عيني وحلقي وصدري شـكاوي
وبي من قديم الوقت جرح مكني ... وبي من جديد وقتي مــكاوي
ان قلت زانت خالف الوقت ظني ... وان قلت هانت عاجلتني بـلاوي
اجامل ايامي ولا جــاملني ... هامت بي الدنيا هيام الخـلاوي
الوقت جاير والليال اسـهرني ... والحزن مابين الضلوع متلاوي
أون وكل يحـسب اني أغني ... عليل وكل يحسـب اني مداوي
الامير خالد الفيصل
ــــــــــــــــــــــــــــــــــــــــــــــ
مستثاره
وكل جرح مر بي
واضحه بوجهي اثاره
مستثاره
واحس بداخلي نيران
وهج دامي .. وصدى غاره
ياتعب منهو مثلي ... غلطته سوء إختياره
ضايعه روحي بمتاهه
وليل مابين نهاره
مستثاره
كانت الاحلام ورده
وانتهت بؤس وخساره
مستثاره
هتـان
ــــــــــــــــــــــــــــــــــــــــــــــ
انا مجروح ..... عطني جرح
يجوز الجرح اذا داهم احد يشفي
اجمع لي العطش صخره على لساني
اجمع صمت كل حاجه
وانثر صمت كل حاجه
انا لجمت صوتي اللي سكن حرفي
يعيش الصمت
وانا الصامت الاول
وانا الصامت الثاني .. وانا صامت ويكفي
اشيل البحر في صدري
واشيل الارض في كفي
تعال ياصمت ابي كتفك على كتفي
تمر الكلمة من صوبي
اغض طرفي
واشوف الصمت .. بس الصمت في صفي
قتـلتـني حالة اللاحال
انا موجود او منفي
فايق عبد الجليل
ــــــــــــــــــــــــــــــــــــــــــــــ
مات
ولاعمره وقف في زاوية شارع
يودي لمدرسة بنات
ماجرب يقطف زهور الكلام
ويرميها غرام
ياحلو ... ياسكر نبات
مااذكر انه رسم معانا حلم
ولا قرر يشوف هالفيلم
ولاتهمه الاغنيات
له صفات
يااخي احس ماله اي صفات
له ... لا ابد ماله امنيات
اجل ليه يقولون عنه مات
وهو اصلا .. حسب مااعرفه عنه... ماعاش الحياة
محمد الرطيان
ــــــــــــــــــــــــــــــــــــــــــــــ
مو مهم
مايقصد الشاعر بشعره
المهم .. ش اللي وصل
مو مهم
مايكتب الناقد ويطرح
المهم ... عقب اش حصل
مو مهم
اني اعتذر ... او تعتذر
المهم
من طاوع دموعه
وسامح واتصل
مو مهم
يوم رحل .. كم ودعوه
المهم من عبره .. لما وصل
مو مهم اصلك .. جدودك
المهم
في لحظة الفتنة
يردك هالاصل
مو مهم
كم قيمة السيف وجرابه
المهم .. فعل النصل
ابراهيم الخالدي
ــــــــــــــــــــــــــــــــــــــــــــــ
قال مــجروح جاوبته نعم ... قال ماشــوف بك اثار دم
قلت وان كان في ذاتي النزيف ... قال مابه نزيف من عــدم
قلت وان خان بي اغلى حبيب ... قال وهــم بنيته وانهدم
قلت ماعذبك يوم الفــراق ... قال درب وتمشــيه القدم
قلت مابه سوى جلدك شعور ... قال غيره فلا احـس بألم
يااوسم الناس لو قلبك وسيم ... واكرم الناس في غير الكـرم
عندك الظلم عدل في الهوى ... واعدل العاشـقين اللي ظلم
انت لو كان فــي حبك حياة ... كان خـلى حياتك له طـعم
اتعس الخلق من يرجى هواك ... مااضيع النبض في قلب الصنم
الامير بدر بن عبد المحسن
ــــــــــــــــــــــــــــــــــــــــــــــ
وش تصور؟
الشارع اللي بأوله هم
وبآخره جوع
الشارع اللي سال من
كثر الدموع
وش تصور ؟
او وش تدور
ماضاع لك الا الضمير
ياصاحبي صعب الرجع
رح صور قلوب حجر
نستنا من كثر الخضوع
عبدالله الراجح
ــــــــــــــــــــــــــــــــــــــــــــــ
وجهك غضب وجهك عروس ... يضوي مدى يحرق نفوس
تشبه لك الشمس الشموس
ومالـمحتك
سلام يااحلى الانـــام ... دربي مثل عينك ظلام
تشبه لك اسراب الحمام
وماوصلتك
ياصوتها الرايح وجاي ... مابين اشواقي وشقاي
تشبه لك الونه وناي
وماسمعتك
حبيبتي والبوح نار ... انتي انا بكل اختصار
تشبه لك عيون الصغار
وماعشقتك
يامهرتي الصغرى الاصيل ... تلعب وانا صب نحيل
تشبهك غابات النخيل
وماسكنتك
ياغاية الحلم المحال ... مثلك انا حلمي الوصال
يشبهك في الشاعر خيال
وماكتبتك
طلال الرشيد
ــــــــــــــــــــــــــــــــــــــــــــــ
ياربعنا مايعتذر كود غلطــان ..... وانا عجزت القى خطا في خــطايا
ان قلتوا ماتعوذت شــيطان ..... نفسي لاني شفت ســـود النـوايا
قدامكم ربي بلاني بمن شان ..... فعله معي لين اظلمت بي ســمايا
زل وكتمت وزل وازددت كتمان ..... وازداد في غيه وجاني بــلايا
اعطيته الصافي من العلم خلصان ..... من غير ما اسال من معاه ومعايا
وان كان هو من رشفة ابليس سكران ..... سكران انا بغبار خيل الطنايا
عاداتها تقبل تقل مالها ارسان ..... وعاداتنا نهدي ضحانا ضـحايا
من مثل شمر علقوا يوم الاكوان ..... ارواحــــــــهم عقد بجيد المنايا
حنا الضياغم والزقاريط نيشان ..... في جبهتي زاد المزايا مـــزايا
وانا ولد عافت سلايل كحيلان ..... على اسم جدي والاسامي وصـايا
ياشين يوم الطيب نجر وضيفان ..... منا العطايا تستمد العطـايا
ياشين يوم العز خيل وفرسان ..... ربعي عصا موسى وربعك حيايــا
ويومك قنعت بسقف واهي وجدران ..... الضيغمي للشمس حث المطايا
لاانته بجنبي طيب اوعز او شان ..... ولاانته بقدامي ولا انت بـــورايا
الله بلاني بك ولاني ببلشان ..... لاشك ودي ينطـــحوني قوايا
فهد عافت
--------------------------------------------------
نفرتيتي انا اخناتون
امانة ماعرفتيني
انا سقراط وافلاطون
مداين فاضلة فيني
ابن سينا انا القانون
كتابك ليه ناسيني
انا شمس وبعض الكون
يدور بمحور سنيني
انا العاقل انا المجنون
انا الاضداد تكويني
انا ثورة امل مطحون
وضعيف الناس يعنيني
انا انسان لو يدرون
وطين المجد من طيني
انا مابي علي يرضون
لهم دين ولي ديني
على هامان يافرعون
تبي ذبحي بسكيني
اذا ناسي معاي عيون
اشوفك ياامعنيني
قسم مابيع لو يشرون
عشق دمي شرايني
ترى الكرسي مع الماعون
صور وآيات تهديني
لكتاب الله لو يقرون
عطوني نورها عيني
انا هالون انا هالون
منو وده يخاويني | |
|
