اشعار قصيره لكن كثيره

عروقه خيوط

كفوفه مغازل

عيونه شطوط

حلمه سنابل

ينسج نسيج

يرسم بالابيض كعبته

يحلم يمرونه حجيج

يخلط البحر والرمل والسهر

والقمر والقهر والبشر في نشيج

ينخلق رسم بهيج

ماهو بهيج

يسمع صهيل

يشوف خيل

تمتلي غرفته ضجيج

يقفل الباب

والشباك ... يكش عن وجهه ذباب

يتلفت بارتياب

يسمي اللوحة خليج

ــــــــــــــــــــــــــــــــــــــــــــــــــــــــــــــــــــــــــــــــــــــــــ

هذا الشق الاحمر ليس فم

هذا وردة حمراء من لحم ودم

ــــــــــــــــــــــــــــــــــــــــــــــــــــــــــــــــــــــــــــــــــــــــــ

الصداقة

ماهي باقة

ترسل من اقصى البلاد

او بطاقه

ترسل في عيد ميلاد

الصداقه ... شي اكثر

شي اكبر

هي علاقة صعب تتفسر

مثل حب الام

او حب البلاد

ــــــــــــــــــــــــــــــــــــــــــــــــــــــــــــــــــــــــــــــــــــــــــ

ارجوك لاتحاول معي

فأنا الان بقايا

لاتقدم لي قلبا

وتقل انه اجمل الهدايا

انا لن استوعب حبا

لم يصل لاعماقي من البداية

ــــــــــــــــــــــــــــــــــــــــــــــــــــــــــــــــــــــــــــــــــــــــــ

تذكر العيد

ولو ان للذكرى تعب

قلي من فينا العنيد

انا والا انت

والا هذاك البعيد

انت مثلي في كل شي

بس هذاك البعيد

ــــــــــــــــــــــــــــــــــــــــــــــــــــــــــــــــــــــــــــــــــــــــــ

لا تكذبين

الشوق بعيونك يبين

في نظرتك شفت الهوى

مقتول في صدرك دفين

وفي نظرتك شفت العذاب

وجروح من ذنب السنين

حبيبتي ليه الجفا

حبيبتي وشهو تبين

غير المحبة والوفا

واقسم على حبك يمين

لا تكذبين ... الشوق بعيونك يبين

ــــــــــــــــــــــــــــــــــــــــــــــــــــــــــــــــــــــــــــــــــــــــــ

دام الزمن واعي

خلاص ياوقت الجفاف

ماعاد اخاف

ياذيب حتى لو طبعي غريب

مااندم على اطباعي

ليه الندم ياذيب

ما للندم داعي

انا الحبيب

ولو تصبح الدنيا عصى وشياه

ولو يصبح الصاحب حمار

من ايش اغار

من ايش اغار

مادمت انا الراعي

ــــــــــــــــــــــــــــــــــــــــــــــــــــــــــــــــــــــــــــــــــــــــــ

حزت بنفسي مراسيم الوداع

وانتثر دمعي على الخدين دم

من عذابي صرت موطن للضياع

واشتعل سطح الثرى حدر القدم

بالنهاية صارت ايامي خداع

والحقيقة ترتدي ثوب الوهم

ساعة الفرقا تخليني شجاع

ليتها ماتغرس بقلبي سهم